“Mjafton të thuash po” pas Eglës, Megi Pojani denoncon ngacmimin seksual të një pronari televizioni

#pisk #megipojani #bigbrother

Pas Eglës, Julias dhe Einxhel rrëfehet Megi Pojani / Shtohen rastet e ngacmimeve se*suale te VIP at

Megi ka shkuar më tej, kur ka ndarë me publikun një rast personal, kur një pronar televizioni e ka ngacmuar dhe i kërkuar në mënyrë intensive që të takohen, pas një interviste që ajo kishte dhënë në këtë kanal.

“Në momentet që kam pasur të bëj me burra, dhe kam pasur marrëdhënie me burra, ka pasur ngacmim dhe flirt, por e quaj të shëndetshëm kur nuk merr përgjigje mbrapsht, dhe nuk më pengon në punë, përveç një rasti.

Para pak kohësh kam bërë një intervistë në një televizion tjetër dhe më shkruan në IG pronari i televizionit, emër shumë i njohur. Unë akoma e ndjej sikur jam 15 vjeç dhe më duhet t’i respektoj dhe të jem e sjellshme ndaj një personi që ka ndërtuar disa gjëra.

Më shkruan dhe më thotë se stafi të do shumë, intervista ishte shumë e bukur, do doja të të takoja. I thash faleminderit dhe kaq. Për një muaj ai më shkruante çdo ditë dhe më kërkonte që të takoheshim.

Në asnjë moment nuk mendova se po më ngacmonte. Ajo që po më bezdiste ishte që më kërkonte darkë, sepse unë darkat në një takim pune, mbi të gjitha me një burrë, nuk i preferoj. Mes rreshtash shkruante herë pas here për punë. Nuk kisha diçka në dorë dhe thash pse mos ta takosh dhe ta humbësh si mundësi, dhe i them ta takoj për drekë. Ishte takimi më i çuditshëm që kisha pasur në jetë. Ai më fliste vetëm për pushtetin e tij, sa para bënte te ky projekt…

Gjatë takimit ai më pyeste nëse do dilnim për darkë atë natë dhe unë për ta hequr qafe i thash që do shkoja në Korçë me shoqet e mia. Pasi mbaruan drekën, ai ishte shumë i pështirë me mimikat që bënte dhe ishte shumë tendencioz, dhe kur u largova nga restoranti, ai më shkruan një roman ku më tregonte sa mirë kishte kaluar me mua dhe që donte të më takonte prapë”, tregon Megi.

Në spektaklin e së martës në Big Brother u diskutua deklarata e Egla Cenos, në të cilën ishte shprehur se para 25 vitesh, kur kishte shkuar për të kërkuar punë, pretendonte se e kishin ngacmuar seksualisht.

Aktorja i ishte referuar Saimir Kodrës, i cili gjithashtu bëri një reagim të menjëhershëm, duke mohuar këtë gjë.

Teksa kundërpërgjigja iu publikua gjatë Prime-t, ajo u shpreh: “Marrë përgjegjësi për gjërat që them, mirë se të vijë Gjykata. Unë sigurisht nuk kam prova materiale sepse ndodhi shumë vite më parë, ishte një kërkesë për punë, nuk kam shkuar aty për të futur në kurth zotin Saimir. Por mund të bëj diçka tjetër, të cilën do e mendoj shumë mirë, para se ta prononcoj publikisht”.

Megjithatë, artistja mori mbështetje të madhe në rrjetet sociale nga miqtë e personazhe të showbizit.
Një ndër ta ishte edhe ish-banorja Einxhel Shkira, e cila e vlerësoi për guximin.

Postimi i Einxhel (pa ndërhyrje):

“Nuk kam qenë dakord me 99% të gjërave që Egla thotë edhe bën por sot i them: “Të lumtë pushka”.

Kjo që tha do guxim dhe mesa duket ky guxim nuk i mungon asaj as para gjithë botës.

Ky është realiteti jonë i hidhur, që të bën të heshtim nga shumë frikëra të ndryshme, por mbi të gjitha nga provat që i kërkohen “viktimës”. Prova të cilat gjithmonë mungojnë se askush nuk niset me idenë se do ngacmohet në një takim pune dhe do ta ketë të nevojshme ta faktojë atë… E me këtë justifikim, gjithmonë drejtohet gishti si fajtore nga ajo që ka patur “guximin e budallait” të nxjerrë në sipërfaqe traumën e historisë së saj.

Per me shume video beni subscribe qe te shihni cdo video qe publikohet ne kohe reale:
Instagram:
Facebook:
Tik Tok: